أكد الرئيس عبدالفتاح السيسي على رغبته فى بناء 250 ألف فصل دراسي بتكلفة نحو 130 مليار جنيه، ضمن خطة نظام التعليم الجديد، مشدداً على أن تأجيل القرار للانتهاء منها خلال 3 أو 4 سنوات، سيحمل الدولة زيادة سنوية.
أوضح السيسى خلال جلسة “كيف نبني قادة المستقبل؟”، ضمن فعاليات منتدى شباب العالم: “التحدي كبير، والتحدي الأكبر عملية التعليم هتتم إزاي، بقولكم يامصريين قولوا لي أعمل إيه، أحلها إزاي؟ التحدي هنكمله للنهاية، والقضية هنحلها بجد، ولازم كلنا نشوف حل ومعانا الحكومة، التحدي هنكمله للنهاية والقضية هنحلها ونعمل 250 ألف فصل، هنشوف حل، أقول كلام صعب خصموا من الوزرات كلها.. أقول كلام اصعب مش هنطلع علاوة دورية السنة دي للموظفين في مصر”.
