طالب الرئيس عبدالفتاح السيسى بضرورة الاهتمام بالتربية الرياضية فى المدارس والجامعات وذلك لما فيه فائدة على صحة الإنسان، قائلاً خلال فعاليات افتتاح عدد من المشروعات بمجالى المياه والإسكان الاجتماعى:”حد يقولى هنخلى الرياضة مادة أساسية للنجاح؟.. المرحلة محتاجة كدا.. الناس مهتمة يودوا ولادهم بالعربية للكلية والمدارس عشان يجيبوا مجموع كويس وخلاص لكن محدش بيعلم ولاده رياضة”.
أضاف الرئيس السيسى:”الناس مهتمة يودوا أولادهم بالعربية!.. لما ابنى وبنتى يتخرجوا من الجامعة ويكون ضهره قابل يجيله انزلاق غضروفى نتيجة وزنه او عضلات جسمه الضعيفة وأشياء كثيرة.. يبقى أنا كدا سلمته للحياة مظبوط؟.. لا والله . انتوا محتاجين برنامج ويمكن يكون من ضمنه الرياضة جزء فى الشهادة عشان تنزلوا وتاخدوا ولادكم وتلعبوا رياضه بيهم”.
