اضطرت وزارة التربية والتعليم إلى إخراج بعض اجهزة التابلت الخاص بالطلاب خارج المنظومة التعليمية حيث لن يتمكن الطالب من فتح الجهاز باستخدام النقش الخاص به او السيريال وتحويله للدعيم الفنى وخروجه من الضمان ويعتبر هذا الإجراء بمثابة التحذير الأول للطالب بعدها لن يتمكن من استرجاعه لنظام الوزارة مرة اخرى.
قامت المديريات التعليمية بمخاطبة المدارس وطلبت منهم تحذير الطلبة من استخدام التابلت فى غير هدفه الأساسى وهو التعليم، مؤكدة أن هناك حلول فنية لبعض مشاكل التابلت جاءت كالتالى:
-المشكلة الأولى : نسيان كلمة السر أو النقش
الحل: المشكلة سهلة وبسيطة ولا داع للقلق كل اللى عليك هتجهز معاك imei بتاع الجهاز من على ظهر الجهاز أو ممكن الحصول عليه عن طريق كود #06 #*
الخطوة الثانية لازم الجهاز يتصل بالانترنت ملحوظة فى حالة توصيله من اى شبكة واى فاى مش هتعرف تكتب الرقم السرى للشبكة طيب تعمل اية الحل الوحيد والأسهل تعمل شبكة متنقلة من موبايلك بس تلغى الحماية وتعملها مفتوحها وتوصل منها وتكلم خدمة العملاء 16580 ثم 1 للغة العربية ثم 9 لمشاكل التابلت وهتقلهم المشكلة هيعطوك باسورد تفتح بيه وتعمل باسورد جديدة لنفسك.
-المشكلة الثانية: ويعانى منها أغلب الطلاب ويصابهم القلق الشديد انهم خارج المنظومة وهى عدم ظهور اسم دفعة محافظتك.
الحل: نفس الخطوة اللى فاتت هتوصل الجهاز بمصدر الانترنت وتتصل هيعملوا فورمات للجهاز وهو فى ايدك وإعادة تشغيل ويرجع يشتغل تانى وفى الحالة دى تعطية للاخصائى يقوم بتفعيله من جديد.
المشكلة الثالثة : هناك بعض البرامج موجودة عند طلاب وأنا لا
الحل: هتدخل على “النوكس مانجر” ومن الثلاث شرط اللى فى الجنب ومن ابلكيشن ستور هتعمل تنزيل لباقى البرامج.
-المشكلة الرابعة : مسح برنامج قارى pdf
الحل : هذا البرنامج عند تشغيله كان يشغل اغانى وتم ايقافه من الوزارة وسوف تنزل الوزارة برنامج بديل بدون اغانى قريبا هتلاقية على جهازك.
المشكلة الخامسة: فيديوهات بنك المعرفة لا تعمل
الحل: سوف تقوم الوزارة بتنزيل برنامج لتشغيل تلك الفيديوهات
