قال الدكتور طارق شوقي، وزير التربية والتعليم، والتعليم الفني، إن امتحانات أولى وثانية ثانوي بعد يوم السبت وانتظام السيستم «بقت مضبوطة زي الساعة السويسري»، والنتيجة الحقيقية تكمن في الأرقام، فالنتيجة 99.9% من حوالي 650 ألف طالب، «إحنا كنا بنعمل امتحانين في اليوم، يعني نعمل 1.3 مليون امتحان في اليوم».
وأضاف «شوقي»، خلال مداخلة في برنامج «يحدث في مصر»، مع الإعلامي شريف عامر، على شاشة «mbc مصر»، أنه تم عمل أكثر من 5 ملايين امتحان، «ورغم كده تلاقي واحد صحفي يصحى من النوم يقولك السيستم واقع، طب ازاي؟ أومال الـ 5 مليون امتحان اتعملوا فين؟، اللي اخترع الكلمة دي ميعرفش أن فيه بنوك أسئلة وفيه سحابة».
وتابع: «عندنا حاجات بتصنع الامتحانات سوفت وير، ويرسلوا الامتحانات على قواعد بيانات بيوزعوا الامتحانات على الطلاب، امتحانات العلمي تروح للعلمي، والأدبي تروح للأدبي، والألماني تروح للألماني، بس النقد بييجي لنظام التعليم بسبب شيء فني خارج عن نظام التعليم، لازم نذكر كده عشان مش عاوزين خلط في الأمور».
وأوضح الوزير أنه من أجل أن يؤتي التعليم ثمارة لا بد من فهم الموضوع، وفهم المشكلات، فالبعض يتخوف من أن سقوط السيستم في امتحانات أولى وثانية ثانوي قد يتكرر في امتحانات الشهادة الثانوية، وهذا خوف مبالغ فيه، «مهم نشرح ونقول للناس أن امتحانات أولى وثانية ثانوي، ليهم هدف وشكل وطريقة ملهاش أي علاقة بالثانوية العامة لا من حيث الشبكات ولا التأمين ولا أي حاجة خالص، حاجتين لا يتقارنوا ببعض».
