الرئيس السيسي للمصريين العالقين: “حتى لو كانت ظروفنا صعبة مش هنسيبكم”

أكد الرئيس عبد الفتاح السيسى، أنه يتابع أزمة العالقين المصريين في دول العالم وعددهم نحو 3500 عالق، مؤكداً أنه كلف الحكومة بإعتدة جميع العالقين المصريين إلي بلدهم مصر.

وأضاف الرئيس موجها حديثه للمصريين:”انا بطمنكم.. حتي لو كانت ظروفنا صعبة مش هنسيبكم”.

وقال الرئيس عبد الفتاح السيسى، إن الدولة تعكف الآن على تنفيذ 40 كوبرى في منطقة شرق القاهرة، غرب ووسط القاهرة، مضيفًا :”أنتوا عارفين يعنى إيه 40 كوبرى يعنى كام؟. الكوبرى الواحد 300 مليون يعنى 16 مليار جنيه.. إحنا بنعمل كبارى وطرق .. وبفضل الله وسبحانه ماشين بمعدلات فيها كتير من كرم ربنا لينا، بنعمل كل ده بفلوس وأموال هائلة”.

وأضاف الرئيس السيسى، خلال افتتاح عددًا من المشروعات القومية الكبرى، شرق قناة السويس: “جاءتني شكوى حول العمالة.. نحن حرصنا على توفير التأمين اللازمة للعمال، وسنأمن أكتر بالتنسيق مع الصحة والشركات ووزارة الدفاع في كل مواقع العمل عشان نقدر نكمل.. وأي حد عاوز يشتغل يروح العاصمة والمنصورة الجديدة والعلمين فيه شغل، وهنرجع لمعدلات والأرقام التي نتحدث فيها.. وهناك مشروع تبطين الترع، وإحنا بنتكلم في عد كبير جدًا داخل أحزمة ونطاقات القرى والريف والمحافظات.. ونجهز الدراسات وسننطلق خلال أسابيع قليلة، وسننفذه خلال عامين كما وعندنا.. الحكومة بتشتغل ليل ونهار عشان معدلات النمو التي حلمنا بها.. وتأثرنا كثيرًا بالظروف الحالية.. بقول يا مصريين لازم نشتغل بنفس المعدلات ويمكن زيادة بس لازم تكونا معانا وتساعدوا”.

وقاطع الرئيس عبد الفتاح السيسى، اللواء إيهاب الفار رئيس الهيئة الهندسية للقوات المسلحة، وذلك خلال حديثه عن افتتاح نفق الشهيد أحمد حمدى 2، قائلًا: “مديرى شركة كونكورد للهندسة، وبتروجيت موجودين!.. أنا بس هفكركم لما خلصتم أنفاق بورسعيد والإسماعيلية لما طلبتم تشغيل الناس.. وقلنا ياجماعة إحنا مش مخططين في هذا المنظور للعمل في نفق الشهيد أحمد حمدى لحين التدبير وعدم الضغط، وإذا كان كلامنا زى ما اتفقنا، يبقى كلام جميل”.

وقال الرئيس السيسى،: ” كان عندنا مشروع أنفاق أسفل إطار القاهرة بطول 2 كيلو متر، وتم بنفس ماكينة حفر نفق الشهيد أحمد حمدى 2.. لما جينا نعمل الأنفاق دى منذ  3 أو 4 سنوات كان حلمنا نعملها بأيد مصرية وماكينات مصرية، وتكلفة مرشدة كثيرًا عن استخدام شركات أخرى من خارج مصر.. وبالتالي يوجد اليوم  4 شركات تعمل في هذا الموضوع بجانب المقاولين العرب.. لما قلنا الكلام ده، كان بعيد علينا، ولكن قولتلهم هنجيب الماكينات الحفر.. الآن نحن بصدد الانتهاء من 5 أنفاق بأيادى مصرى.. كل أسبوع كنت أسال كامل الوزير عن هذه الانفاق وكذلك إيهاب الفار.. وهذا من اطمئنانا واكتساب الخبرة.. خلاصة الكلام، لما يكون عندنا موضوع ويظن البعض انه من  الصعب.. بقولكم أبدًا.. وهندخل فيه بالعلم والإرادة والإخلاص وربنا يساعدنا وننحج فيه”.