أكد الرئيس عبدالفتاح السيسى أننا كدولة لا نملك سوى الأفكار والمبادرات لتطوير التعليم، مضيفاً:”لا تتصورا إن الدولة كل سنة ستقوم بإجراءات لرفع كفاءة منشآتها التعليمية، سواء الجامعات أو المدارس أو أي منشأة حكومية أخرى، مش هنقدر”.
وأضاف السيسى لال جلسة “كيف نبنى قادة المستقبل؟” التى جاءت ضمن فاعليات منتدى شباب العالم أننا بعد افتتاح أي منشأة حكومية جديدة لو مكانش هيبقى في إيدين محطوطة في هذه المنشآت هتتراجع كفاءتها، مستكملاً:”بقول الكلام ده لرؤساء الجامعات وعمداء الكليات، اللي اتعمل ده كان مبادرات منكم وكنتم تقدروا تعملوه دائماً عن طريق رجال الأعمال والطلاب المتطوعين”.
أضاف الرئيس:”كنا محتاجين نقدم للناس تطوير التعليم ونبذل جهد لإقناع الناس بالمسار اللي إحنا ماشيين فيه، وإحنا بنتكلم مع دكتور خالد عبدالغفار وزير التعليم العالي من 20 يوم أو شهر، وبقوله هتعملوا إيه في التشريعات المطلوبة علشان يبقى فيه نظام التقييم المعمول بيه، ويحقق الهدف المطلوب منه”.
وتابع السيسي: “مهم أوي اللي بيتابعونا يعرفوا إنه المسار بياخد وقت، والحكومة مش متأخرة، هناك قوانين بتحكم الدولة، وكنا بنتكلم على إننا عاوزين نعمل المسطرة في كل التعليم بتاعنا في قياس وتقييم مواطنينا، بعيدا عن تدخل العامل البشري، قالي هنقدر نعمل ده كمان 7 سنين قولتله يعني أنت عاوز تأخرني 7 سنين.. ليه يادكتور؟”.
وأكمل السيسي: “مش هقول تفاصيل أكتر من كدا.. بس هو قالي الطلاب اللي دخلوا دلوقتي الكليات دخلوا على معايير تقييمية معينة ولو غيرنا هنظلمهم.. قولتله لأ مش هستحمل كدا.. اديني الدفعات الموجودة دلوقت بالشكل المستهدف اللي إحنا عاوزينه وقولتله نراجع نفسنا والآخرين ونطلع بالإجراء السنة دي علشان نبتدي فيه”.
