إيمان حافظ تكتب: الرياضة إكسير الحياة
الرياضة مش مناسبة بنتجمع فيها أو مسابقة أو دورى بنشجع فيه أولاد بلدنا
الرياضة هى السر أو هى إكسير الحياة
هى أكسجين قوى يدخل الجسم يجدد خلاياه
هى دورة دموية بتوصل للمخ تزود بيه هرمون السعادة
هى لمة الكل فيها واحد
مش مهم نبقى أبطال
ولا مهم نبقى متدربين
المهم نبقى كلنا متجمعين
ولما بنتجمع على اختلاف أعمارنا وأولادنا فى السنوات الدراسية المختلفة بنلاقينا فى حالة بهجة و سعادة و محبة وألفة و تكاتف
الرياضة حياة مش محتاجة غير متر مربع بسيط وشوية هوا إن شالله على ترعة أو بحر أو نيل ده مافيش أجمل من مصر وناس مصر والمصرى اللى بيعرف يعيش فى كل الظروف هو ده المصرى اللى بيتحدى كل الوجع من أى نوع هو ده المصرى اللى بيعرف يعيش البهجة و السعادة بلقمة صغنططة وضحكة ولمة
وعلشان نقدر نفضل كده لازم نصدق إننا نقدر على السعادة
بحاجات صغنططة ملخصها
البساطة ..اللى بنتعلمها و احنا فى عام العلم و السموات العلمية المفتوحة
بنرفع شعار كل ما يكمل الصحة النفسية للجميع
الصحة والرياضة والأخلاق
وهو ده الشعار اللى أعلنا عنه من بدايتنا ولكننا فى السنة المليئة بالأحداث و التغيرات العالمية اللى بتخلينا قدام تحديات صعبة
ملخصها الضعف الجسدى والروحى والسلوكى
فأعلنا عن ما هو أساس منظومتنا التعليمبة لما يقرب من ٣٠عام
وأجمل مافى الموضوع إن أولياء الأمور متحمسين للمشاركة معانا مش بس علشان ولادهم
إنما علشان كلنا بقينا متأكدين إننا لو حافظنا على هذا الشعار هنلاقى إن مصر بسواعد أولادها هترجع مصر أم الدنيا و أصل كل الحضارات
وأخيرا ومش آخرا وقت الصور انضم لينا مسئول الكانتين اللى وفر لأولادنا هذا العام طعام صحى جميل
الدعوة عامة ليكم يا ولاد مصر
ونخليها الشعار مش بس كلمات وإنما أفعال وأكيد أي مجهود صغير هيكبر ونكبر معاه ونرتقى ونعلو بمصر الحلوة
